Умрадын дуудлага

атга дүнсэн тамхи
арын хаалгаар
арай хийж олдно
үхсэн мэт дуугаа хурааж
бусдын хэрхэн авирлахыг
чимээгүй харж сууна
өөрт ноогдсон ялыг
дуугүй эдэлж
хэнд ч ямар ч өшөө санахгүй
ганц л дуугарвал
бууны иш толгойд бууж
бүр цаашилбал
харуулын сум тархинд зоогдно
энэ бол Умардын дуудлага
өдөр болгон хүнд ажил хийж
өглөө бүр буларсан биетэй сэрнэ
энэ бүгдээс зугтахдаа
эмч бүсгүйд найр тавьна
бусдын халаасыг ухаж
будилж олсон хэдэн рублийг
эмчийн гарт чимээгүй атгуулхад
дор хаяж долоо хоногийн чөлөөг
төвөггүйхэн гаргуулж дөнгөнө
энэ бүгд хулгайч
энэ бүгд баашлагч
шоронгийн хатуу дарлал
хүйтэн, амтгүй шөл
өглөө бүр буларсан бие
өдөр бүр харуулын буун дуу
энэ бол Умардын дуудлага