би дурламаар байна
шөнийн нойроо хугслан байж үгүйлдэг
тэргэл сарантай хамт шүлэг тэрлэн өнждөг
араас нь харж асгартлаа уйлдаг
ахиад битгий яваарай гэж
аргадан байж гуйдаг
тэр л дурлалтай би
дахин учрахсан
би дахин дурламаар байна
ганцхан түүнийг санахдаа
цээж хөндүүрлэн өвдөх тэр л мэдрэмж
гараас нь зөөлөн атгахдаа
сэтгэл гэгэлзэх энэ л догдлол
холдоод удаагүй ч ахин дахин санах сэтгэл
энэ бүгдийг би
дахин мэдрэхсэн
би дахиад дурламаар байна
өмнө нь би хэзээ ч
ийм жаргалтай байгаагүй гэж
өр зөөлөн сэтгэлээр
түүний нүдрүү ширтэх тэр л мөч
өмнө нь би хэзээ ч
ингэж догдолж байгаагүй гэж
үнэн сэтгэлээсээ
ганцхан түүнийг хайрлах
тэр л хормыг
тэр л догдлол бүрийг
дахин би мэдэрмээр байна
би дахин дурламаар байна.
No comments:
Post a Comment