Ододтой хамт учирсан миний амраг

тэр шөнийн тэнгэрийн одод
тэр шөнийн тэргэл саран
тэгхэд би охин байсан
тэнд чи надтай хамт хоносон
одод биднийг ажиж байсан
оргилох хүсэл минь чам дээр бууж байсан
онгод тэнгэр дэргэд минь байсан
орчлонд би хамгийн жаргалтай нэгэн байсан
...тэр шөнийн тэнгэрийн одод

чи миний анхны хайр

бүтээгүй ч гэсэн чи миний анхны хайр
биелээгүй ч гэсэн чи миний цорын ганц хайр
богинохон ч гэсэн чи миний нандин дурсамж
бусдынх болсон ч гэсэн чи миний зүрхний эзэн
одоо хэр нь чамдаа би хайртай
оргилох хүсэл минь урьдын адил хэвээрэй
оддын дэргэд чамайг би хүлээдэг
орчлонд ганц хайр минь гэж чамайг би хайрладаг
чи намайг мартсанд би гомдоогүй
чи намайг орхисонд би харамсаагүй
чамд сэтгэлээ илчлээгүйдээ би өөртөө гомдсон
чамд үнэнээ хэлээгүйдээ би өөртөө харамссан

дэглий нисэх болоогүй ээ
дээлтэйгээ үлдсэн ч хамаагүй
орж гарч суух нь яах вэ
орчлонд тоосгүй үлдсэн ч хамаагүй
миний чамайг санасан сэтгэл минь ердөө л энэ
магад өөр хэнд ч хэлээгүй байх
буруу ташаа ойлгож
буруутгаж чамайг зэмлэхгүй ч
санан гансрах энэ л сэтгэлээ
санаан зоргоор дэлгэж бас чадахгүй нь...

миний галт эрвээхэй
чулуун шалыг товшлон алхаж
чимээгүй ертөнцөд гэрэл авчирна
хүйтэн униарыг үгүй хийж
хүний орчлонгоос халин одно
миний дууч шувуухай
өндөр хаалгыг түлхэн орж
өөрийн ертөнцөд мөрөө үлдээнэ
халуун амьсгаагаар бусдыг төөнөж
харанхуйн эзнийг ирсэнийг зарлана
миний өргөст цэцэг
адаар ширүүн зантай ч
аргадан тунихдаа эмзэгхэн
орчлон ертөнцийн дээвэр
амьд бүхний ноён эцэг
аз жаргалын минь халуун үндэс
миний цорын ганц хайр

хүн гэдэг сонин амьтан
хүний хорвоо гэдэг бүүр ч хачин
дэргэд нь байхдаа хэлээгүй мөртөө
дэрвээд явсан хойно нь үгүйлээд байдаг
энэ сэтгэлээ би яалтай бил ээ
эрийн заяа түшиж
эхнэрийн дүрд тоглож
эм хүмүүний заяанд ханьсах болоогүй ээ гэтэл
хэлийнэ би тавийн талыг туулчихаж
хөхөө донгодсон халуун зун
миний дэргэд хүрээд ирчихэж
тэр минь алга
чи минь явчихаж
би энд ганцаараа үлдчихэж
алдаа...
би алдсан байж
 омог бардам зандаа дийлдээд
огторгуй ертөнцөөр дүүлэн ниссээр
орол буурал ижийнхээ дэргэдээс
одоо хэр нь холдоогүй л байна
чи цагтаа ирсэн
би чамтай уулзсан
дахиад би ганцаараа...

сайн байна уу 12 дугаар сар минь

шөнийн одод нь дарсанд согтсон

шивнэн хэлэх үг нь хайранд мансуурсан

уруулаа будаж, өндөр өсгийтөөр гангарсан

12-дугаар сар минь сайн байна уу

би чамайгаа их л удаан хүлээлээ

бүтэн нэг жилийн турш

ганцхан чиний л тухай бодож байлаа

болдогсон бол өнгөрсөн үерүүгээ очихсон гэж мөрөөдлөө

болдоггүй юм байна аа энэ хорвоо,

эргэж эргэдэггүйг би мэдэж авлаа...

сайн байна уу хайрт минь

өдөржин ганцхан чамайгаа л мөрөөдсөөр

олон ч сарыг элээлээ

ээдээ дэргэд минь алга гэж

хайрын захиа ч бичиж үзлээ

гэсэн хэдий ч хэнд хаяглахаа би мэдсэнгүй

"миний хайрт 12-дугаар сар"-д гэсэнд

шууданч миний захиаг тоож авсангүй ээ...

сайн байна уу 12 дугаар сар минь

жилдээ ганц л учирдаг амраг минь

чи минь сайн сууж байв уу

цагаахан цасаар даашинзаа гоёод

цангинасан хоолойгоор инээдээ чимээд

улаан өнгөөр уруулаа будаад

өндөр өсгийтөөр өөрийгөө гангалаад

чамдаа би ирлээ

ирэх ирэхдээ

нэг жилийн дараа ирлээ

чи минь яг л хэвээрээ

аз жаргал, инээд хөөр, баяр баясгалан

чи минь яг л хэвээрэй

сайн байна уу 12 дугаар сар минь...

:}

хайр дурлалаараа жигүүр хийсэн

амьдралын минь нэгэн далавч

хайр сэтгэлээрээ зориг хийсэн

халуун зүрхний минь нэг тал

чамайгаа би

хайрлахгүй байхын аргагүй

чамдаа би

чин зүрхнээсээ дурлахгүй байж ч чадахгүй ээ

                бусдын дэргэд чамаараа би гоёдог

                буруу зүйл хийсэн ч

                чамайгаа би өмгөөлдөг

                бундан зүрний минь ганц эзэн

                буурал орчлонгийн цорын ганц хань

                чамдаа би хайртай

амьдрал надад хатуу хандаж л байг

 яадаг юм

аргагүйдээ тэр надаар тохуурхаж л байг

 надад хамаагүй

бие сэтгэлийн минь нэгэн тал

бүтэн заяаны минь нэгэн хэсэг

чи минь л байхад бусад нь надад хамаагүй

                буурал хорвоо намайг сорьж л байг

                бусдын дэргэд ичгүүргүй байдалд оруулж л байг

                надад хамаагүй

                зүрх сэтгэлийн минь нэгэн тал

                зүүд нойрны минь эзэн тэнэгэр

                чи минь л байхад бусад нь надад хамаагүй

***

зүрхнийхээ хаа нэгтээ чамайг би нуучихаад
зүүдэндээ л ганцхан гаргаж ирж тоглодог
сэтгэлийнхээ гүнд чамайг би нуучихаад
сэм сэмхэн бодолдоо чамтайгаа би уулздаг аа
хүслийнхээ гүнд чамайг би нуучихаад
хүйтэн бороотой үдэш ганцхан чамтайгаа л би ханьсдаг
бодлынхоо гүнд чамайг би нуучихаад
будаггүй төрхөө ганцхан чамдаа л би харуулдаг

***

сүүлчийн захидал хайрын дуу

сүүлчийн шивнээ зүрхний үг

хайрлах гэж орчлонд ирсэн

хайрлуулах гэж надтайгаа учирсан

чи миний зүрхний амраг

чи миний хайрын од

тэнгэрт ганц наран байдагийн адил

дэргэд минь ганц саран бий

чамдаа би хайртай

үнэнээ өчиж хэлье, 

бүхнээ зориулж шивнэе

би чамд хайртай

Би намрын бороонд гомдсон

над дээр иргэж ирээгүй анхны минь хайрт шиг
нэг л хөндий аашилж байсан чи
огтоос ер танихгүй хүн шиг
орчилонд надтай зөрөөд өнгөрсөн чи
намрын бороонд би дэндүү ихээр гомдсон...
гомдлоо гэж би чамд 
хичнээн их хэлээд ч
дэлхий ертөнцөөр уйлан дуулаад ч
миний гомдол тайлагдаагүй ээ
учир нь би чамайг мартаж ер чадаагүй...
... тэр жилийн сүүлчийн захидал
намрын бороонд би дэндүү ихээр гомдсон

***

хавчигдмал ертөнцөөс гарах ганц гарц нь
ердөө л тэр хөндлөн гудамж
хайргүй хүнээс холдох сэтгэл  нь
ердөө л тэр харанхуй гудамж

***

тэнгэр газар хоёр
бие биедээ дурлачихаад
тэртээх толгодыг
өөрсөдийнхөө үрс гэх
тэд хэзээ ч биенээсээ уйддаггүй
тэнгэр газар хоёр
бие биедээ уусчихаад
цагаахан үүлсийг огтхон ч анзаардаггүй
тэд хэзээ ч биенээсээ урваагүй
тэнгэр газрын завсар
олон зүйл амьдардаг ч
тэд ганцхан биесдээ дурлачихаад
өөр хэнд ч урваагүй
тэнгэр газрын энэ агуу хайранд
тэртээх үүлс атаархаж суухдаа
тэнэгхэн бодол толгойд нь орж
жил жилийн зун сэтгэлээ онгойтол асгардаг биз

***

тэртээх тэнгэрийн манан дундаас
би ганцхан чамайг л хайж
тэртээд одсон сэтгэлийнхээ араас
ганцхан чамайг би хайна
хөөрөөд өнгөрсөн
нисээд явчихсан
сэтгэлээ би барьж дийлээгүй ээ 

***

юу ч бодохгүй
яг л энэ гашуун кофе шиг
юу ч хийхгүй
яг л энэ зүүд шиг
магад тэр үед амьдрал чи
утгагүй бас сонирхолгүй болно биз...

****

би өвдөхөөс айсандаа шүлэг бичдэг
би ганцаардлаас айсандаа шүлэг бичдэг
би дахин шаналахгүйн тулд шүлэг бичдэг
би чамайг мартахын тулд шүлэг бичдэг
магадгүй би шүлэгээр л хань хийдэг
харин энэ шүлэг миний дотны минь ганц найз байдаг
намайг ойлгодог ганц л зүйл энэ орчилонд байдаг
энэ л шүлэг ганцхан намайг ойлгож, бас ухааруулж чаддаг 
би ганцаардлаас айсандаа шүлэг бичдэг

***

нулимсаа унагааж
сэтгэлээн эгшээн
наддаа чи минь хорогдоод яах нь вэ
хавар цаг болдогоороо л болж
нүүдлийн шувууд буцаад л ирнэ 

***

үргэлж дэргэд минь байх юм шиг ярьдагсан
үнэндээ тэр салхины л чимээ байсан
үргэлж хажууд минь байх юм шиг бодогддогсон
үнэндээ тэр сэтгэлийг минь хөглөөд л буцсан даа
үнэн тэнгэр гэж байгаагүй ээ
үүлээ нуугаад л одсон
үргэлж чи хажууд минь байгаагүй ээ
үгээ аваад л явсан

,,,

бодолд минь улаа бутарч

буурал үүл өнгөө хувилна
нар жаргах тэрхэн агшинд